موال جديد لحسام الرسام

كلمات الموال
موال امرك يا عراق
كلمات الشاعر : حازم جابر
صار امرك يا وطن بيد الغزاة ... وهمه اصحاب الفضل بالي يصير
عطشوا جرفة ونشف ماي الفرات ... ودجلة راح يعيش في نفس المصير
وهذا السومري ابن الحضارات ... يردوني ارجع ليورة واصبح اخير
وبعض من الساسة صدرلك قرارات ... يكول لو ضل العلم فد شي خطير
وبعض من الي اجوا يتلفظ عبارات ... يكول تقسيم العراق حل أخير
درفرف يا علم فوك السرايات ... بلكي بيهم يا علم يصحى الضمير
كافي ارجوكم وبسكم خطابات ... الشعب باجر ترة حسابة عسير
تردونه نعيش العمر كله انفجارات ... يومية قـتـل يومية تدميـر
ابطال انشوفكم بس بالقاءات ... وينة الي يكدركم ساعة التنظير
اذا بيناتكم يومية تهديدات ... واحنه بنص بلدنا صاير التهجير
بينه وبين الدول صارت مسافات ... احنه النه الدمار والهم التطوير
ربح ماكو العمر كله خسارات ... والوضع نفس الوضع شو ماكو تغير؟
لايك عالبعض ثوب الخيانات ... مفصل ويلمع عليهم كالحرير
يمة يا يمة يا يمة ... يمة من اكول اسم العراق ينعصر گلبي يا يمة

للتحميل
http://www.9q9q.net/up3/index.php?f=WVvDA9fCa
مع الشكر الجزيل

مشكووووووووووووور اخوية على جهودك لكن الرابط لا يعمل يقول الموقع مغلق ( أتاكد من الرابط )